یاغیش یاغیر دای آشمیر یاتماق سنه یاراشمیر
نه تز گئتدون قارداشیم قانه دوندی گوزیاشیم
اجل ایگلی گول توشلار گولین درمگین خوشلار
باخار گوله، یارپاقا تز تاپشیرار تورپاقا
جمعه گونی چوخ چاپدی آختاریپ سنی تاپدی
اَلدن گئتدی گولومیز گولومیز، بلبومیز
سراغون ائیله دوشدی آنون سن سیز ناخوشدی
آتان قددی خم اولوب اونا یولداش غم اولوب
نیه جرگه دن چیخدون باجیمین ائوین ییخدون
غملر غمه قوشولوب سنون یرون بوش اولوب
فلک پوزار پرگاری چاغیررام کردگاری
سنی بیزه چوخ گوردی زلیفیمی ترسه هوردی
فلک ایگیتلر یوروب عجیب تله لر قوروب
بهمنین اونی گونی هوانین دولی گونی
اوجمعه، قارا جمعه قلبیمه یارا جمعه
خبر گلجه گین آشدیم بیمارستانا قاشدیم
یولی دومانلی بولدیم سوزی گومانلی بولدیم
[ یکشنبه 94/1/9 ] [ 11:13 عصر ] [ فهیمه اختیاری ممان ]
ددیلر: ایرج ائولدی ایرج عطری گولدی
اجل گولین سچیبدی دای ایش ایشدن گئچیپدی
اورکلری یاندیردون بیزی غمه باندیردون
بیر قوش کیمی اوچدون سن بو دنیادان کوچدون سن
ددیم: باشینا دونیم بیر شمع کیمی من سونیم
اجل ایستر گول دَرَ گوروش قالا محشَرَ
میثم، مریم، هانیه پوزقون اولوبلار نیه
تعصّبدا تکیدون اوزونده گول تکیدون
آتان اصلاً ائونمیر قارا گییب سویونمیر
سنن سورا گولمریک دنیا دادین بولمریک
سن تکی قارداش اولماز گوز آلتیندا قاش اولماز
من باجون ائولیدیم کاش سن گئتمییدون قارداش
نچه کی سن واریدون ننه مین اَسراریدون
[ یکشنبه 94/1/9 ] [ 11:5 عصر ] [ فهیمه اختیاری ممان ]
ننم گئجه لر یاتمیر سنی یاددان چخاتمیر
دئیر:((دایاقیم گئدیب عزیز قوناقیم گدیب
گلگینن قوجاخلاشاق ننه بالا آغلاشاق
" آیریلیق چوخ چتیندی" هر لحظه صحبتیندی
تعریفلی، دیللی بالام طایفالی، ائللی بالام
ائلین گوزی سنیدون سرّی سوزی سنیدون
گوزوم قاپیدا قالیب دردون جانیمی آلیب
عمرمی آغلامیشدیم بو عهدی باغلامیشدیم
قبریمی سن قازاسان داشیندا سن یازاسان
منی قبره قویمادون بو دنیادان دویمادون
اجل آپاردی سنی اوغولسیز قویدی منی
"گون به گون اوزاخلاشیر سوموکلریم چاخناشیر"
ایشیقلی شمعیم اوئیدی فلک دریمی سویدی
یامان سیندی دیرگیم سووا دوندی اورگیم
آی تک ایشقلی ایرج ای یاراشیقلی ایرج
"یره یارانان" اوغلوم قلبی دایانان اوغلوم
سنی دییب گلمشدیم غملرییب گلمیشدیم
منی کیمه تاپشیردون؟ نه راحت جان تاپشیردون!
وفات معصومه(س) ده همیده که جمعده
"آز آغری، آسان ائولوم" نصیبون اولدی گولوم))
روحش شاد و یادش گرامی باد...
در غم فراق داماد عزیزمان آقای ایرج امانی ممان، روز یکشنبه 2/1/1394 سرودم.
[ یکشنبه 94/1/9 ] [ 10:58 عصر ] [ فهیمه اختیاری ممان ]
کاش دومان آلماسین وطنین داغین
یارادان گویردسین گنه سول ساقین
منیمده بیر یولوم دوشسین اویانا
چون کونلوم چوخ ایستیر آتامین باغین
[ سه شنبه 93/4/17 ] [ 10:16 عصر ] [ فهیمه اختیاری ممان ]
"گر اولدورسیز منی"قوتولار جانیم
کیم ددی:غربتده آلشیب یانیم
ای کاش که وطنده قانا بویانیم
ایران تورپاقینا توکولسین قانیم
اوخونسین دیار دا ختم قرآنیم
دیارین هجرینده دیوانی ام من
باشینا دولانان پروانیم من
3تیر 1393روز سه شنبه
[ سه شنبه 93/4/17 ] [ 9:58 عصر ] [ فهیمه اختیاری ممان ]
