سالام سوزون عزيز يولداشين خدمتينه، گوزه ل شعريدي، ممنون اوللام بيزيم سايتدا باش ويراسيز
واردير
بيليرسن مي اوجادولي گؤزونده هئچ نه لر واردير؟
گونشدن پارلاق اولدوزدان ايشيق آئينه لر واردير
قاليبدير ابر ظلمتده قمر عقربده دير گويا
رقيب بي مروت ده نه يئرسيز کينه لر واردير
هواي حسنووه کؤنلوم قوشو هئي چيرپينير اي گول
نچونکي دام عشقونده سپيلميش چينه لر واردير
خط وخالين آلير جانيم مروّت بير گؤزه ل شئي دير
مني گل چکمه دار اوسته تئلونده فتنه لر واردير
نگارا وئرديگون وعده قوتاردي شانلي گونلرتک
بو عهدين سينديرانلاردا نقدر آدينه لر واردير
دؤزه ر بو آغلاغان هر جوريوه چون حقلي عاشق سن
نقدري گؤزده قان ياشي اياغدا پينه لر واردير
ولي افسوس در اهلي اسير دردسيزلردير
گمان ائتميرلر عاشقده آلولو سينه لر واردير