بنده قرآن را از مادرم در خانه آموختم و برای یادگیری به مکتب خانم باجی نرفتم ولی به احترام آقای احمد قدسی که خواسته بودند این شعر را سرودم که به تمام شاگردان خانم باجی تقدیم میکنم.
خانم باجی
خانم باجی ؛چوخلار سنی سراغلار مکتبلری باغلی گورنلر آغلار
احمد بالون سنی اورکدن سویور یوخیسیندا گاه گاه قاپیوی دویور
سسلییری:گل قاپینیآچگینان غربت یردن قوتولگینان قاچگینان
بیزه خاطر بو مکتبی باغلاما سوزلریمی گر ائشیدسون آغلاما
یای گلنده مکتبخانون دولاردی شاگردلرین -الف جیمی- اولاردی
عینکیوی ووراردین که گوزیوه حواسلاری جلب ائدردون سوزیوه
کاش اولیدی احمد قرآن چخان گون قهرمانلار اهریمنی یخان گون
احمد بالون هرگون اوخور قرآنی روان اولوب هجی ائدیری آنی
هم مکتب وار احمد آقا یادیندا هم آتاسی درویشعلی آدیندا
زحمت چکیب کهریز، گوزه یولوندا رحمت اولسون گوج واریمیش قولندا
اونان سورا هئچکس کهریزه باخمیر گوزه لرده قورویبدی سو آخمیر
یهرلی آت سوار اولوب چاپاردی حیف اجل اونیدا تز آپاردی
آتام کیمی بوتون ملکی تالاندی هامی گئدر بیر باخچلیق قالاندی
بو آتالار حلاللیقا چالشدی قلم بسدی صفحه لرده آلیشدی
داهی یازما چون که ننم آغلادی گوز یاشلاری اورگیمی داغلادی
بیلدیم فلک بیزدن اوزاق سووشماز "هئچوقت داغلار بیربیرینه قووشماز"
[ جمعه 93/2/5 ] [ 11:28 صبح ] [ فهیمه اختیاری ممان ]
میرحسین مکتبی
کندیم؛سسلن میرزه لری بیر به بیر
میرحسین نن،میرزه غفور،ماللا میر
دئنن:هئچ کس مکتبلرده درس دئیمیر
لطف ائلیوب کاش بیرده یول آزاسوز
خوش خطینن تلاوتی یازاسوز
میرزه لرون مکتبده درس دئیرمیش
کند اوشاقی گئدیب تعلیم گوررمیش
اوخومیان چوبوق سهمین ییرمیش
هاردادیلار مکتبده درس دئینلر؟!
زحمت چکیب حلال چورک یینلر
میرحسین که مکتبین یولا سالیب
چوخ اوشاقلار گئدیب اوندان درس آلیب
ماللامیردن یادگار بیر خط قالیب
ننم دئیَر:اونون مکتب آچماغین
فرقه لیکده آتیشقادان قاچماغین
میرحسین گیل مکتبی آچان ایلی
علمه گوره اوشاقلار اوچان ایلی
دسته دسته مکتبه قاچان ایلی
آقاجانیم او مکتبه گدیبدی
هججی لییب قرآنی ختم إدیبدی
او زمان که بو سیّدون دیریمیش
مکتبلرین میرزه سی نین بیریمیش
بویوک بابام گیل نن هم دوریمیش
أجل گلیب مکتبینی باغلایب
او مرحومین شاگردلری آغلایب
همشیره سی گلناز خانم آدیندا
عزّتی وار قدیمی لر یادیندا
نه واریمیش کندیمین اودادیندا؟!
داهی یوخدی میرحسینلر دعاسی
معجزیمیش اونون جدّی آباسی
آغیر نَفَس کرامتی واریمش
سوره خانم مونسیمش یاریمش
ائولریده محبوب دائیا ساریمش
سسلن گلسین یاز دولوسون باغلاسین
بولودلارون یاغیش توکسون آغلاسین
[ دوشنبه 93/1/25 ] [ 4:54 عصر ] [ فهیمه اختیاری ممان ]
ردیف اول نشسته از راست به چپ: 1.مرحوم عطا کشی اختیاری،3.مرحوم بخشعلی قدسی،4.مرحوم حاج میرفاضل غفاری.
ردیف دوم نشسته از چپ به راست: 4.مرحوم غلامعلی خلیفه پور.
ردیف اول ایستاده از راست به چپ: 6.مرحوم حاج شیخ صادق ایمانی،7.مرحوم اردشیر سعدلو،11.حاج میر مجتبی محمودی،15.مرحوم حاج علی درگاهی.
ردیف آخر ایستاده از راست به چپ: 3.مرحوم حاج سلام کشاورز،4.مرحوم حاج میر اسماعیل اسماعیلی،5.مرحوم ذکرعلی شفایی ممان.9مرحوم جمشید مصری،11.حاج حسین عابدی،14.مرحوم شهمار رحمانی.
[ پنج شنبه 93/1/14 ] [ 1:33 عصر ] [ فهیمه اختیاری ممان ]
مامان شهیدلری
وطن دائم شهرتوننن دییریک
بیریئل اّسسه، غم غصه وی بیریک
لازم اولسا رزمی لباس گییریک
تورپاقیوی بیگانیه ساتماریق
شهیدلری هئچ وقت یاددان آتماریق
دشمنلرین سنه حربه بیچدیلر
شهیدلرون آدیوا آند ایچدیلر
وطن دییب جانلاریننان گئچدیلر
سلام سیزه قیزل قانا بویانان
مرزلرده سپرکیمین دایانان
انقلابدا بهرام قانا بویاندی
اوندان سورا تویسوز رسول اویاندی
حسین گئتدی شوش شهرینده دایاندی
حسینینن شهریارین آناسی
صفر ، رحیم گورمدی توی حناسی
بهمن گئتدی گئدر گلمز داغینا
بهرام چتری دوشدی جنت باغینا
دوزمک اولماز اکبرلرین داغینا
بیز اوپَریک آنالارین اَلیننن
اَل چکدیلر نجه گوزل گلیننن!
[ سه شنبه 93/1/12 ] [ 7:47 عصر ] [ فهیمه اختیاری ممان ]
مامان کندی
فلک چرخین زنجیرلرین یاغلادی
یواش یواش یوللاریمی باغلادی
داغلاریمی دوباره دن داغلادی
داغلاریمدا دستمال چکدی آغلادی
او قدمتلی دام دوواریم سوکولدی
وای قوجالدیم غمنن بئلیم بوکولدی
یازبولودیم بوشالمامیش دولاردی
سارماشقلار اوزون کولا دولاردی
اوشاقلاریم تزه تره یولاردی
بایرام آیی چوخ قوناقیم اولاردی
حیف اولسون داغیلیبدی قوناقیم
یامان کوسیب کهریزلریم بولاقیم
دولی بولود؛ سن آللاهون بئله گل
گوز یاشیوی یاغدیر گیله گیله گل
ساری یازیم،دوغدار زمیم؛دیله گل
دینن: گیجل؛ دونسن سرین یئله گل
صفا وئرسین یاغیش سرین یئلینن
دردلشیم من غملی گئدن ائلینن
مرد ایگیتلر تورپاقیمدا یاتیپدی
بیر عده لر کوچلرینی چاتیپدی
بو غصه لر احوالیمی قاتیپدی
ترسه چیخان گونوم ترسه باتیپدی
آران کندم منیم آدیم ماماندی
داغیلمشام احوالیم چوخ یاماندی
مینلر کروان تورپاقیمنان گئچیپدی
بولاقیمین سرین سویوی ایچیپدی
پنبه لری ال چلتیگیمی بیچیبدی
ایندی باخون چراغلاریم گئچیبدی
هارادا قالدی بیچین بیچن اوراقلار
دریا موجی مامان کندین سراغلار
داغلاریما قیشدا یاغسین قار منیم
آقاجلاریم یازدا اولسین بار منیم
شیرین کیمی فرهادلاریم وار منیم
مین شاه گله، سسله نللر: یار منیم
عومور گئچدی قورقو بئله قورولدی
شهریارین سّدی منه وورولدی
(چهارشنبه سی مرداد 92)
[ سه شنبه 93/1/12 ] [ 7:26 عصر ] [ فهیمه اختیاری ممان ]
