خلوتلرده هی توکه رم گوزیاشی
ایتیرمیشم بزنیکلی قارداشی
قارداشمین اولمادی اللی یاشی
ایرج گئتدون پیکرونده ترکشلر
سنون دردون سینیخ کونلومده ایشلر
گلدی چاتدی ایرجین سالگردی
ائللر چکک بیز نجه بئله دردی
گوزل گولو اجل نیه تز دردی
گول که گئتدی گولوستانین نه دادی
یاددان چخماز ایرجین گوزل آدی
یکشنبه 20/10/1394
12:30 بامداد
[ دوشنبه 94/10/21 ] [ 8:32 عصر ] [ فهیمه اختیاری ممان ]
جبهه لرده نه جور وئردون جان حسین
بیگ لباسون اولدی قزل قان حسین
عومری بویو آنان دیدی جان حسین
شهریاردا گئتدی حسین یولونو
یارالادی ترکش یورقون قولونو
انقلابدا گئدیب بهرامین بیری
بیر بهرامدا گویده گوروکور یری
غیرت دیدی:بهمن دایانما یری
کند آغلییر رسول،رحیم،صفره
اکبر گئتدی حیف قانلی سفره
بو وصلتین چوخدی اجری صفاسی
تزه گلین گییدی عزا لباسی
هیچ آنالار گورمه سین بئله یاسی
شهیدلرین واردی آللاه حرمتی
تسکین وئرر دردیمیزه تربتی
چوخ آنالار بالا دیدی آغلادی
آتالارین آهی داغی داغلادی
شهیدلرین یاراسین کیم باغلادی
ای شهیدلر راحت یاتون پوتوننان
نعره چکدی داغلار آنا اوتوننان
یکشنبه مورخ 20/10/94
[ دوشنبه 94/10/21 ] [ 8:1 عصر ] [ فهیمه اختیاری ممان ]
یانار تندیر دولدوراردیق اودوننان
گوزلرمیز آغلیاردی دودوننان
قش فصلینین دویمازیدیق دادینان
کولو چکیب دووشلوقا سَپَردیک
بایات تندیر کلبه سینی تَپَردیک
[ جمعه 94/9/27 ] [ 7:44 عصر ] [ فهیمه اختیاری ممان ]
یاغیش یازدا داغی داشی اویاردی
چایین سویون قیزیل رنگه بویاردی
بو سویونان چلتیک یرلر دویاردی
قزل اوزن جوشلانماقون نجه اولوب
رنگلی چاییون گورن نیه دورولوب
قزل اوزن چوخ مفهوم وار آدوندا
نقدر اسرار گورونور فریادوندا
گئچمیشله رون بولوروک وار یادوندا
سن آللاهون غارقاما هئچ گمینی
آپاریبسان نجفقلی عمینی
یاز اولاندا گووده بولود آغلاسین
برزگرلر ال ایاقین یاغلاسین
بیچدیکلرین باق ائله سین باغلاسین
به به دئیک دوگیلرین طامینا
شاه یوردینا ، همده فرهاد شامینا
[ جمعه 94/9/27 ] [ 7:33 عصر ] [ فهیمه اختیاری ممان ]
چوخلار کندین بوروقلارین دونیبدی
ایشیق گلمیرلامپالاری سونیبدی
خلقین چوخو بیر بیریننن دونیبدی
شهری گورن دای تانیمیر اوزونو
تانیش گورسه دوندریری ئوزونو
عبدالرحیم سینیقلاری باغلاردی
خانم آقا چیخیق سالیب یاغلاردی
مشد حجّت قارا یارا داغلاردی
بولار اوچو گدیبدیلر رحمته
مریض اولان ایندی دوشور زحمته
[ شنبه 94/9/21 ] [ 6:34 عصر ] [ فهیمه اختیاری ممان ]
