ائلیم سنه اورکده چوخ سوزوم وار                     تا ائولونجا تورپا قوندا گوزوم وار

آیریلیقدان دانشاندا سیزلارام                           بوجور درده کیمده صبرو دوزوم وار

یامان درددی چوخدی جوری جفاسی                 هانسی عطّار ساتار هجران داواسی

آیریلیقا اگر درمان اولسیدی                             اوجالمازدی آه ناله لر صداسی

بو ناله دن شکایتلر یازان وار                            مجنون کیمی دیاریننان آزان وار

اوتون گوروب، دردین چئکنلر بولر                     داغی داشی هر زماندا قازان وار

 چالشمیشام بو داغلاری آشماغا                       دریا کیمی موج وئریب قاشماغا

فراقونده چئکدیگیمی سانامام                          نه وئرللر سر سوزلری آشماغا  

هجران غمی اورگیمی سیخاندا                        یاغیش توکوب یازین گونو چیخاندا

ای کاش گلیب بیرده سنه باخیدیم                   قزل اوزن ائللیک آرخین ییخاندا